قصيدة شعر من الحكومة فى حب الشعب
يا شعبي يا شاطر .... يا جابر الخواطر ....ولكنك صابر وساكن المقابر
يا شعبي يا بيبى....يا روحي يا حبيبى ...هازل انفاسك واحطك فى جيبى
يا شعبي يا للي نايم ..وسارح وهايم.. وفى الفقر عايم وحالك ده حال
احبك محشش .. و مفرفش ومطنش.. ودايخ مدروخ وأخر انسطال
احبك مكبر ... مطنش مخدر ..وممشى أمورك كده باتكال
احب اللى ينصب ...أحب اللى يكذب ....أحب اللى ينهب ويسرق تلال
أحب اللي شايف... وعارف وخايف ... ..وبالع لسانه وكاتم مقال
أحب اللى قافل عيونه المغفل .... وأحب البهايم.. وأحب البغال
أحب اللي راضى ... أحب اللي فاضي ... وأحب اللي عايز يربى العيال
وأحب اللي بائس وأحب اللي يائس .... وأحب اللى محبط وشايف محال
واحبك تسافر.... وتبعد تهاجر...... وتبعت فلوسك دولار او ريال
واحبك تتبطل تهلل تهبل .......علشان ماتش كوره وفيلم ومقال
وحبك تأيد ...تغمض تمجد..... توافق تنافس وتلحس نعال
تحضر نشادر ...وتجمع كوادر..... تلمع تقمع تضبط مجال
لكن لو تفكر ...تخطط تقدر........ تشغل دماغك وتفتح جدال
وتبدأ تشاكل... وتعمل مشاكل ......وتنتقد مسائل وتسأل سوأل
و عايز تنور ......و عايز تتطور........ وتعملي فيها سبع الرجال
ساعتها هجيبك.. ولا يمكن هسيبك..وروحك هحتبقى عبرة ..وتصبح مثال
هبهدلك هبهدل جنابك.. واذل اللي جابك.. وهيكون عذابك ده فوق الاحتمال
وهمرمط سعااااتك وازل سيادتك... وهخلي كرامتك في حاله هزال
وهتلبس قضية.. وتصبح رزية ... وباقي حياتك.. تعيش في انعزال
هتقبل احبك ...هترفض هلبك ....و هتطلع هتنزل هجيبك واغزك
يبقى عيش ايامك..وحللى كلامك..واوعى فى يوم تفكر ترفعلك مقام
موضوع: اللهم لا شماته 
السبت فبراير 12, 2011 12:55 am
